Das Eichhörnchen mit Schnupftabak:

Erwin Fackler als Leo Fackler:

Also bei meiner Jagd, die I betrieba hob isch es halt so gwea, die Leidenschaft braucht ma do dazu, sonscht ka ma in der Nacht it aufstea und in der Dunkelheit naus. Weil I kann it erscht kommen wenn Dämmerung isch. Weil in der Dämmerung da wachen die Tiere auf, dann gehen sie hinaus zur Äsung die Rehe.

Also jetzt kommt a bsondere Gschicht, wo ma halt verlebt, wenn ma so früh aufsteht. I hob mi im Bett gwälzt. Erwin hatte d Vortl, dass wenn i auf Jagd bin, er ins warme Bett liega konnt. Das hat der Erwin genossen. Das war mindestens 3-4 Mal in der Woche. Dann bin i naus mit Brotzeit um 3. Um 8 hat Säge agfanga um 9 wenn i komma bin isch au no ganga. Da hots no an Kaffee geben bei der Mutter. Also, I bin doghockt, weil i miad war, gestern obad war vom SChützernverein no er Versammlung oder a SChiessen, die hot au bis 12 a dauert. I bin auf an Baumstumpf gsessa und bin eigschlofa. Dabei hob i ket: A Wurscht, an Rotwein und halt was zum Raucha oder an SChnupftabak. Das war halt au was.. in der NAcht ka ma blos schnupfa mit a SChnupftabakdosa und it nauspaffa, ohne Lärm und Feier. I hob alls naglegt, hob drunka und gessa und dann ... plötzlich denk I mir Herrschaft nei, jetzt isch ja scho hell...was isch denn passiert au wau wau  jetzt hob i oinahalb Stund verschlofa, der Wildwechsel war scho vorbei, d Reh waret scho wieder duss und hand gfressa. Ohh jessas Nah, was war jetzt des, Käs und Wurscht, hob i di gessa oder was isch jetzt den Rotwein hot au jemand umgstossa, isch au leer, Aber mei schnupftabakdose, des war so a gute dose, das Wertvollste war die Dose, die isch nimmer do, dann schau i umeinander, und dann unglaublich, auf einem Ast koine 20 Meter weg sitzt a Eichkätzla, Eichkätzla weisch die dund so sammla, die dund au nussa sammla. Sitzt a Eichkätzla und hot die Dosa offa und duat grad mit der andre Hand in die Dose nei und duat schnupfa. Hot scho a ganz schwarze Näß. Scheinbar hotm des gschmeckt oder er hot gmoint des isch a futter, vielleicht hot der des gfressa. Also ma däd it glauba was a Eichkätzla als fertig bringt, wie schnell die sind wie flinkt die sind, was die alles sammeln. Wieder hob i was erlebt, was Du nicht glauben kannst. Aber das hob i verlebt, stimmt ganz gwies!