Erwin Fackler als Leo Fackler:

Jetzt muss I eich a bsondre Gschichte erzähla, weil des isch so: Früher hat mein Vater Josef Fackler das gesamte Haldenwanger Gemeindegebiet gepachtet. Das sind heute 5 Jagdbögen, damals war das alles ein Gebiet. Das heisst, der Jäger hat weite Wege anmarschieren müssen und so bin i halt mit dem Fahrrad das Jagdsgebiet von Wagegg bis Pfaffenhofen abgefahren. Dabei kam ein Erlebnis, das einfach unglaublich war: Zwischen Fleschuatza und Wagegg gehts do durch a kleins Wäldle durch und dann bei der Burgruine hob i mei Fahrrad abgschtellt. I bin dann mit meiner Büchs zum Pirschen gangen um die Burgruine rum. Da waren Fuchsbau, Höhlen, Löcher und auch Stadl. A Bauer hot gsagt bei mir sind Dachse, es war mol oiner jetzt sind 5. Da bin I zum Stadl na und hob gschaut ob welche do sind, aber do war koiner do. Als ob sie gerade ausgeflogen sind und grad wissen ob der Jäger kommt. Dann hob I zu dem Baurer gsagt, heut isch a mol koiner do. War halt erfolgloser Tag, war scho neune in der Früh. Dann will I zum Fahrrad zurück, dann isch des Fahrrad nimmer do! Unglaublich. Bin zruck zum Bauer und hab gsagt, Du sag o mol, I hob mein Fahrrad zwischen Fleschutza und Wagegg an die Lichtung mit der schönen Buche gschtellt. Keiner hot Bscheid gwusst, der Bauer hot au gsagt, Ja I weiss au it woss ähhh... Dann bi I a Woch später wieder komma und hob gfrogt, hot irgend jemand jemand gsea mit am alten Fahrrad, so a Miele Fahrrad mit am Gsundheitslenker und sonst halt a normales Fahrrad mit Rücklicht schwarzer Reifa, blauer Rahma. Hob i des genau beschrieba. Dann noch nomol a Woche und nomol am Monat hob i wieder gfrogt. Des gibts doch gar it, dass a Fahrrad nimmer do isch. Ausser des hot halt oiner vo ganz weit weg gstohla und isch mit dem ganz weit weg gfahra. JA und dann hob I was Unglaubliches erlebt. I bin grad auf der Stroß zwischen Fleschutza und Wagegg, do gibt a netts Strässle. JA, do schau i nah, a grosser ausgewachsener Dachs aufgerichtet 1,5 Meter hoch fahrt an mir vorbei. Hinterfias auf d Pedal Vordertapsa auf dem Lenkrad drauf und schaut zu mir und fahrt an mir vorbei. Also des isch des.  Des isch a Gschicht die klingt, als ob sie gar it stimma könnt, aber die isch ganz ganz sicher wor. Weil I hob des gsehn, hobs erlebt, aber des Fahrrad des hob I nie mehr kriagt, weil der Dachs isch weitergefahren.